Rss

  • linkedin

Um höfundinn

© Guðlaug Þóra Marinósdóttir

 

Steinar B. Aðalbjörnsson er næringarfræðingur. Hann útskrifaðist með B.Sc.-gráðu í matvæla- og næringarfræði árið 1997 frá Auburn University í Bandaríkjunum og með meistarapróf í næringarfræði árið 2000 frá sama skóla. Hann er auk þess með löggild næringarráðgjafarréttindi frá American Dietetic Association í Bandaríkjunum og íþróttakennaramenntun frá Íþróttakennaraskólanum á Laugarvatni þaðan sem hann útskrifaðist vorið 1992.

Steinar hóf knattspyrnuiðkun 10 ára gamall með knattspyrnufélaginu Val. Hann spilaði með Valsliðinu upp alla yngri flokka en um 18 ára aldur færði hann sig um set og spilaði með ÍK og HK í nokkur ár. Leiðin lá svo til Bandaríkjanna þar sem Steinar spilaði með háskólaliði og síðar í opnum mótum með félagsliðum í Alabamafylki.

Steinar hefur haldið fjölda fyrirlestra um allt land og erlendis um næringu knattspyrnumanna og sá um tíma um alla næringarfræðslu á þjálfaranámskeiðum Knattspyrnusambands Íslands.